A-c'houde 1931 vez savet koursoù àr-velo get komite ar festoù. Dec'h e oa kours ar priz braz. Ur redadenn a live etrevroadel a gonta evit klasamant an UCI world tour. 23 skipailhad oa àr ar renk, ouzphenn daou-gant reder. 9 troiad 27 kilometrad ba kornad Ploue ha Berne oa ret dezhe gober. Evit ma vo prest an traoù hag an hent o doa labouret 600 a dud a-volontez vad e-pad ur sihun. En o mesk, Roland Fléjo neus lâret hiroc'h da Yaëlle ar Mouel, ha graet un tamm pronostic e-raok ar redadeg. n'eo ket Sagan neus gounidet èl ma sonje Roland mes Evan Boasson Hagen, ag an Norveg a gemera perzh er skipailhad Sky. En navet lec'h oa degouehzet ar reder ketañ a frañs : Samuel Dumoulin get Cofidis.