E Muzilheg en tu doc'h ar sav-heol a Wened e stourma lod kerent evit ma vo kendalc'het an hentad divyezheg er skolaj. 7 vlez zo e oa bet digoret an hentenn e skol brevez santez Vernadet. Ha setu bremañ 62 krouedur skoliataet enni. Àrlane dija e oa bet goulennet get ar rektorelezh gellout kendalc'h er skolaj Santez Tereza e Muzilheg mes nac'het e oa bet. Ha nac'het en-dro ar blez-mañ. Sevel a ra ar gerent enep an deviz-se hag e vo manifestet dre Vuzilheg 'benn àrc'hoazh da vitin. Ur mitiniad hep brezhoneg a vo iwez er skol. Gwendal Daniel a zo tad ur bugel. hiroc'h e tisplega deomp.