Setu daet er-maez ar V2 neuze, daou vlez goude lañs ar stumm ketañ. Pal an arload pe application-mañ eo strewiñ danvez Breizh dre ar pellgomzerioù hezoug pe tabletennoù. Un bochad titour a zo kinniget àr danvez a-bep seurt pe vehe sonerezh, arz, istoer pe darvoudoù, skrivet get tud duac'h àr an danvezioù-se. Kendalc'h a ra labour Bretagne Culture Diversité - Sevenadurioù evit ma c'hello an holl gouiet a-bep seurt a-ziàr Breizh. Mickael Bihannig, karget a gehentiñ e ti BDC a lar deomp pelloc'h a-ziàr eil stumm Breizh app, doc'h mikro Enora Molac a RBG.