Ur skol gouren zo er Chapel-Nevez e-tal Baod. Savet eo en ofisiel a-c'houde 2014 mes kroget e oa get ar c'hentelioù 3 blez e-raok get sekour skol gouren Pondi. Hiziv an deiz eh eus tri strollad, unan get re vihan etre 4 ha 7 vlez anvet « babigouren », un eil strollad get re goshoc'h, etre 7 hag 12 vlez hag un trivet get tud en oad. Desachiñ a ra ar skol gouren tud é tonet ag ar parrezioù tro àr dro èl Baod pe Logunec'h mes n'eo ket aes bout sekouret ha kavout ur lec'h e dojo-ed ar c'hêrioù-se ma zo kluboù judo pe karate staliet mat dija. Da argantiñ ar skol ha da breniñ dafar sport neuze e vo savet ur fest-deiz get skipailhad ar skol gouren a-benn disul, er Chapel-Nevez. Selaouamp doc'h ar prezidant Gaetan Duval é laret deomp e c'heller krogiñ get ar gouren abred-mat. doc'h mikro Yaelle ar Mouel. Emgav 'benn disul er Chapel-Nevez e-tal Baod, da ziv eur e sal ar gumun.