10 vlez eo ar festival filmoù « pesketerien ar bed » e bro an Oriant. Savet eo bet da lakaat bed lieseurt ar peskerezh àr-wel dre deulfilmoù pe filmoù faltazi. An digarez eo da grouiñ liammoù, mes iwez da zijolein ar c'hudennoù, ar stourmoù pe istoerioù brav hag hengounoù a zo liammet get ar peskerezh er bed a-bezh. Daou briz a vez roet bep blez, priz ar jury ha priz ar re yaouank. 14 film a zo perzh er genstrivadeg ar blez-mañ. Tamm ha tamm eo bet brasaet ar festival e kornad an Oriant hag zo dalc'het betag disul. Evit lidiñ an dekvet blez e vo un abadenn sine konsert tro dro d'ar film Maria Do Mar 'benn àrc'hoazh da 8eur. Gouiamp pelloc'h get Alain Le Sann, prezidant ar festival. doc'h mikro Yaelle ar Mouel.