Sikouret eo ekomirdi sant Degan e Brec'h e-tal an Alre get klub « mécènes du patrimoine ». 25 000 euro a zo bet roet d'an ekomirdi da sevel a-nevez toenn un ti plouz en ur mod hengounel get plouz segal èl ma oa graet en amzer gwezhall. a-c'houde tost 50 vlez 'zo bremañ e oa bet krouet an ekomirdi da lakaat àr-wel penaos e veve hag e laboure ar beizanted e bro an Alre. Bep blez e vez degemeret tud a-bep seurt hag ur bochad skolidi en o mesk. Chwajet int bet get ar c'hlub « mécènes du patrimoine » neuze hag a dolpa pennoù embregerezhioù Breizh a-bezh dedennet-braz get ar glad. Hiziv e oa graet ar lid da siniñ an emglev, da zegemer an arganterion, ar chekenn ha da vizitiñ ar chantier. Àr ar lec'h e oa Yaelle ar Mouel é kompagnunezh Tony Le Saux, animatour en ekomirdi.