Gortaet braz eo ar fest-mañ er vro. Get ar sonourion sur-walc'h hag a gemero perzh er c'honkourioù liesseurt savet a-hed an dibenn-sihun mes iwez get an dud dre vraz hag ar re a youl vat. 8000 den a vez degemeret bep blez eno. An taol-mañ c'hoazh e vo kenniget ur bochard traoù d'an arvesterion. Sonerezh dishenval àr meur a leurenn. Pedet eo bet ar c'hanour Bonga ag an Angola hag ar strollad Jupiter and Okwess ag ar C'hongo hag a vo klevet d'ar sadorn noz. D'o degemer en deus skipailhad ar festival savet ur flashmob hag un dans da zeskiñ. Gouiamp pelloc'h get Rosine ar C'hallonec, maouez a volontez vad. Emañ Rosine doc'h mikro Enora Molac