En em soñjal àr ar sevenadur Breizh hag ar re a zo perzh ennoñ. Hiziv an deiz e vez ur bochad tud dedennet get ar sonerezh pe an dañs hengounel a Vreizh. Gwir an dra ha pa vez 40 000 a dud e kevredadoù èl War Leur, Kendalc'h pe Sonerion, hag ur lodenn vat anezhe a zo tud yaouank. Penaos kompren an dra-se ha penaos kendalc'h da dreuskas ha da lakaat ar sevenadur da veviñ ? Setu un nebeut goulennoù vo klasket reskont dezhe en arbenn ag an devezh savet 'benn àrc'hoazh e skol-veur an Oriant anvet « Treuzell 2 ». Pedet e vo tud a bep-seurt da gemer ar gaoz, èl Jean-Michel Le Boulanger, Alan Stivell, Roland Becker, Robert Raulo, pe Mathieu Lamour. Gouiamp pelloc'h get Youena Baron, karget a gehentiñ e ti Kendalc'h doc'h mikro Enora Molag a RBG.