War Gumuniezh Kumuniezhioù Konk Kerne vez sikouret an dud yaouank da gavout o hent micherel en un doare divoutin. Daou hanter glasad a zo bet pedet e div savadur hiriv. Un hanter deus an devezh a oa gouestlet d'ar micherioù skiantel, pe vefe er Marinarium pe en ti Explore, savet gant Rolland Jourdain. An hanter all deus an devezh a zo bet gouestlet da zizoleiñ ar micherioù sevenadurel. Degemeret int bet a-benn neuze e mirdi Pont Aven hag e mirdi pesketerezh Konk. Brendan Petit a labour en daou virdi-mañ just a-walc'h, evel hanterour sevenadurel. Displeget 'n eus da Vorgan Bramoulle deus Radio Kerne, petra ispisial a zo gant ar "Parcours Avenir" evit lakat ar re yaouank da brederiañ war o dazont.