Ar grip 'sko ar vro c'hoazh. Breizh 'zo gant bro Pariz unan eus al lec'hioù lec'h ma 'zo bet tapet ar muiañ a dud war dachenn ar c'hwec'hkorn. Paket 'zo kalzig a dud gant ar c'hleñved hag ar vedisined ivez war un dro rak dav dezho degemer muioc'h a dud klañv 'vit boazh pe 'vef 'ba o c'habined pe 'ba urjañsoù an Ospitalioù, 'zo bet lakaet diaes 'vel 'ban Oriant da vare ar vakañsoù. Brendan Le Feuvre 'zo medisin yaouank. 'Vit poent e ya da erlec'hiañ ar vedisined 'ba o c'habined pe e ya da labourat da urjañsoù Ospital ar Gazeg Wenn 'ba Brest. N'eo ket ecgu gant ar c'hleñved red 'vit poent met chom 'ra kreñv ar virus. Displegadennoù gant Brendan.