Evit daou vloavezh c'hoaz da nebeutañ. Dec'h oa dalc'het « Breujoù European Breizh-Kembre » e Roazhon. Kalz goulennoù a chom c'hoaz war an dazont. Gant ar Brexit, n'ouzher ket penaos vo an eskemmoù ekonomikel ha denel etre an Enezenn hag ar C'hevandir. Mez da c'hortoz zo bet diskouezet ur youll da greñvaat an darempredoù etre bretoned ha kembreiz. Kentañ minist Kembre, Carwyn Jones, ha prezidant Breizh, Loig Chesnais-Girard, o deus sinet un emglev nevez. Lena Louarn, eil brezidantez ar rann-vro, a oa du-se ivez. Displegiñ ra da Dunvezh Wlagen-Grandjean petra eo pal an emglev-mañ.