"Stad Gwallreuz Naturel" evit tevenn Kleder ?
Skoet eo bet an aodoù 'ba Kleder, en hanternoz Bro-Leon, da geñver ar c'horventennoù Carmen hag Eleanor er sizhunioù diwezhañ. Ul lodenn vat eus an tevenn 'ba Kerfichen 'zo aet gant ar mor. Krignet 'zo bet pevar metrad a draezh war muioc'h 'vit 200 metrad. Goulenn 'ra maer ar gumun 'vefe lakaet al lodenn 'mañ eus Kleder dindan "Stad gwallreuz naturel". O c'hortoz ur respont emañ eus perzh servijoù ar prefeti. Bet eo Erwan Blanchard o welout disoc'h ar c'horventennoù 'mañ gant Gérard Danielou, maer Kleder.
