Ur voger peget outi ur bern kalonioù supporterien 'zo 'ba stad Roudourou nevez 'zo! Ruz ha du evel livioù Gwengamp eo ar voger se. Muioc'h 'vit 15 000 fan War Raok 'noant prenet ur galon warlene 'vit souten o skipailh muiañ karet ha kemer perzh 'ba e vuhez war un dro. Evit ar wech kentañ 'noa tro Valérie Kervella gwelout ar voger disadorn noz tremenet. Klasket 'noa ha kavet 'noa he flakenn gant hec'h anv un nebeut munutennoù araok ar c'hrogad etre War Raok Gwengamp ha Niort da geñver Kib Bro-C'hall. Selaouomp anezhi diouzhtu, ouzh mikro Erwan Blanchard emañ.