Ur sizhunvezh 'zo o deus merzet tud ar gevredigezh Kañtoch e oa bet goulonderet o c'hontoù ti-bank. Ar pred-ti-se eo, ba Brest, a ra predoù marc'had mat hag a galite evit an holl. He fal a zo meskañ ar renkadoù sokial, en ur vodañ an dud gant argant pe gant nebeut a argant er memes lec'h. Hep bezañ bet kelaouet zo bet graet ur sezi bank war o holl argant gant an urcher. Dav oa dezho paeañ frejoù ar prosez kollet ganto. Kaset oant bet dirag al lez-varn gant o ferc'henned un nebeut sizhunvezhioù 'zo, peogwir n'o doa ket c'hoant kuitaat al lec'h feurmet ganto. Melanie Boulig a zo ezel ar Gañtoch. Displegiñ a ra perag eo bet feuket gant ar pezh a zo c'hoarvezet.