Un arvest evit ar vugale eo « Kontadenn Luduennig ». Savet eo get Strollad Kallag ha c'hoariet get Marie-Hélène Morvan assambles get Sylvain Botrel. Kontiñ a ra dre vargodennoù, istoer ur paotr yaouank, Luduennig e anv, en deus c'hoant da zimeziñ d'ar briñsez Fantig hag an troioù-kaer a zegouezho getoñ. Hiziv e oa pedet an daou aktour da c'hoari en Henbont get Emglev bro an Oriant dirak bugale hag a zo e skolioù brezhoneg ar c'hornad. Gouiamp pelloc'h get Marie-Hélène Morvan he deus ijinet an istoer diàr ur gontadenn veze lâret dezhi get he mamm-gozh. Emañ doc'h mikro Yaelle ar Mouel.