Riell 'oa e kreiz Breizh dec'h beure ken oa spontus mont gant an hent! Met pell aesoc'h 'vo ar beure 'mañ, klouaret an amzer. Un 23 aksidant bennaket zo bet kontet en Aodoù An Arvor, n'eus bet den gloazet grevus 'vat. Ha c'hoazh n'eo ket bet renablet an holl wallzarvoudoù, sur deoc'h, pa c'helle an dud reiñ dorn an eil d'egile da lakaat ar c'hirri-tan war an hent adarre zo bet graet. Gwezhioù all 'oa startoc'h, kamionadoù pe kirri-boutin zo kouezhet ivez. E Plounevez Kintin 'neus achuet ur c'hamion gant e hent e-kreiz ul liorzh. E Bulad 'oa en em gavet meur a oto en un toull pe en toufle pe kreiz an hent. Tomaz Laken 'oa erru en toufle gant e oto, kontañ 'ra deomp deus avañturioù ar beurevezh. Gant Tudual Karluer.