Festival "No border" 'vo kinniget 'benn 'sun all, adalek dimerc'her, 'bar C'houartz 'ba Brest. E-kerz ar gouel 'mañ 'vez lakaet an arvestourien da dizoloiñ sonerezh poblek eus ar bed a-bezh abaoe 6 vloaz. Ha war un dro 'vez kinniget daou devezh "kolok" 'vit studiañ modoù sonerezh 'zo. Ar bloaz-mañ eo tem ar sonerezh pentatonek 'vo displeget gant arbennigourien 'zo, pedet gant Erik Marchand, aozer ar c'holok. Erik Marchand 'zo unan eus krouerien "No Border" gant e gevredigezh Drom. Emañ 'zo ouzh mikro Erwan Blanchard. Benn diriaou ha digwener 'benn 'sun all 'vo dalc'het ar c'holok war ar sonerezh pentatonek ha tro 'no Erik Marchand da displegañ e soñj. Ar prezegennoù 'vo diwar benn al liammoù etre ar pentatonisme hag ar "v modelezh" (modalité), ar stummoù pentatonisme 'zo 'ba Afrika ha klasket 'vo diskoulmañ ma 'zeo ar pentatonisme ur mod da diskouezh e idantelez. Muioc'h a ditour 'po war lec'hienn DROM.