Maeronez Stumdi eo Clarisse Lavanant ar bloaz 'mañ
Bep blez e vez chwajet ur paeron pe ur vaeronez get ar greizenn stumañ. Ar blez-mañ he deus asantet ar ganerez Clarisse Lavanant kemer ar garg-mañ. E 2014 he doa-hi heuliet ar stummadur da zeskiñ brezhoneg e-korv 6 miziad e Landerne. C'hoant he deus diskweziñ d'an 81 stajiad ar blez-mañ eo posubl en ober ha reiñ kalon dezhe. Ar mitin-mañ e oa er greizenn Amzer Nevez e Planvour da eskemm get an nevez brezhonegerion. Hiroc'h e tispleg deomp doc'h mikro Yaelle ar Mouel.
