Nulet eo bet ar festi-manif oa da vout 'benn disadorn evit adunvanidigezh Breizh. Dec'h eo bet embannet get ar genbrezidanted perzh e Breizh Unvan. Embann a reont emañ ar manifesterezh en arvar ker o deus strolladoù ag an tuoù politikel pellañ galvet da vanifestiñ iwez. N'int ket evit asantiñ ma vo adtapet ar festimanif get an dud-se. Mes n'eo ket an diviz nuliñ ar festimanif evit plijout d'an holl na ket. Izili ar c'holektif 44 zo Breizh a c'halv an dud d'en em vodiñ ur sort 'benn disadorn d'enderv. Gouiamp pelloc'h get Jonathan, perzh er strollad.