Dastum anvioù plant gwez 'ba hanter Bro-Leon
Sevel ur strollad a dud dedennet gant ar plant gwez 'vit dastum un bern titouroù diwar o fenn eo pal Florence Creac'hcadec asambles gant ar c'hevredigezhioù Flora Armorica ha "Le jardin archipel " 'ba Landeda. Ar pal eo lakaat e plas 'ba Bro an Aberioù hag ar Vro Bagan ur seizhvet pol dastum 'ba Breizh. Setu 'pezh 'neus displeget Florence Creac'hcadec 'zo ethnobotanist ha louzaouerez da Erwan Blanchard.
Fenoz 'vo dalc'het un emvod 'vit displegañ ar raktres: 'ba Lanniliz 'vo sal Lapoutroie adalek 8e noz.
