Lugernus ew albom kentañ ar strollad a Galiforni Family Of The Year, ur paread tud yowank awenet ged ar musik-seurf, ar folk, ar psykedelism, The Beatles, The Beach Boys pe Fleetwood Mac. N'o deus ket 'meid ur blez, ha savet o deus un disk plijus-bras. En ur selow dohte ho po hoant d'en em astenn àr an draezhenn, pe barzh ur park, raog ploñjiñ ba'r stêr, a-pa vo ho amied é redeg noazh, é soniñ kitar seh pe flaouit, toud ar pezh a faota ewid diskuizh, hunvreal, soñjal hag ijiniñ. Hippied a-hiriw int, maget ged son fin ar 60s, hag àr-un-dro tapennow elektroneg amañ hag ase. Na rit ke bil, gwrait anoudegezh ged ar familh-mañ, dre o harned-sonennow. An tu da voiajiñ ba Kaliforni, hiriw ha gwezharall, a-hed toniow plijus hag efedus ("Chugjug", "Let's go down"), re akoustik ha douss ("Hero"), pe mem elektro-pop ha penn-follet ("Psyche or like the scope"), hab ankouaad un taol-lagad d'ar Beach Boys (Summer girl"). Setu ur bladenn a-fesson da voud klewed e-pad an Hañv, ged ar mem plijadur hon eus bet doh o hlewed ba Karaes n'eus ket ken pell so ! ///Adskignet a-ziàr abadenn ar 17.1.2011/// EDDY MITCHELL "L'esprit grande prairie" in Come back (2010 . Polydor) THE BEATLES "Happiness is a warm gun" in The Beatles (1968 . Apple) FLEETWOOD MAC "Closing my eyes" in Then play on (1969 . Reprise) FAMILY OF THE YEAR "Let's go down" in Our songbook (2010 . Volvox Music) BRUCE SPRINGSTEEN "The river" in The river (1980 . Columbia)