E-kerzh an dibenn sizhun tremenet 'oa skipailh melldroad gouezeleg skolaj Diwan ar Relecq o kemer perzh 'ba un tournamant 'ba Jersey. Bep daou vloaz 'vez aozet ur veaj seurt se gant Tangi an Ostis 'zo kelenner war ar sportoù ha penn ar gevredigezh sport 'bar skolaj. Degemeret 'oa c'hoarierien ar Relecq gant klub Jersey Irish. Evit Tangi eo brav lakaat ar vugale da c'hoari ur sport mil vrudet 'ba Bro-Iwerzhon. Met goude bout pleustret 'pad ar bloavezh skol e ranker kinnig ur pal d'ar re yaouank. Selaouomp Tangi an Ostis ouzh mikro Erwan Blanchard 'oa war blas, 'ba Jersey. 'Benn fin ar gont eo en em gavet paotred skolaj Diwan ar Relecq e trede plas an tournamant, lorc'h enno da gas ur vedalenn d'ar gêr goude o zaolioù kaer.