Dilennet eo Pol Molac 'ba 4vet pastell-vro ar Morbihan, diouzhtu, da geñver tro gentañ an dilennadegoù depute. Dec'h eo 54% eus an dud 'zo bet o votiñ 'neunt roet o mouezh d'an 'ni 'oa war ar renk 'vit "La Republique en Marche". 'Ba Breizh eo Pol Molac, 'oa depute eus an tu kleiz 'kerzh ar 5 bloaz tremenet, 'ni nemetañ 'zo trec'h en dro gentañ. Da heul emañ Marie-Hélène Herry, danvez depute 'vit les Républicains, gant 14,45% eus ar mouezhioù just dirak Cécile Buchet 'oa war ar renk 'vit "La France insoumise". Un enor eo evit Pol Molac bout bet dibabet 'vel depute gant an dud 'ba bro Ploervel setu 'pezh 'noa displeget da Erwan Blanchard dec'h da noz.