Ar wezh ketañ eo d'an den anavet mad e bed ar brezhoneg monet àr zu ar politikerezh en ur feson ken anat. Chwajet eo bet evit bout kannad an emglev a-gleiz en ur vro lec'h ma ya a-raok an tu kleiz a nebeudigoù. E 2007 oa bet trec'h Loic Bouvard ag an UMP get 50,4 % ag ar mouezhoù, en tu arall oa Béatrice Le Marre ag ar PS get 49,6 %. Daoust d'an emglev etre an tri strollad politikel neus graet e soñj Charles Edouard Fichet, oa barzh ar PS monet àr ar renk memestra get ar skeudenn Divers Gauche. Skarzhet eo bet ag ar PS evit kement-mañ. Paul Molac doh mikro Yaëlle ar Mouel.