War an dachenn 'mañ ar broduerien laezh adarre. Dec'h goude merenn 'oant en em vodet 'kostez Gwengamp, kement ha mont betek ar c'hooperativ Sodiaal e Sant Eganton da stankañ anezhañ, ha mirout deus kamionadoù laezh da dont tre. Dalc'hmat 'vez ar memes goulenn: ma vo paeet ur priz dereat d'al laezh, dê da c'hellout bevañ diwar o labour. 'Kreiz ar c'houlzad kaballiñ evit an dilennadegoù deputeed 'omp, gant se 'oa bet gwelet Yann-Ber An Neeun (né-eun), Yannig Kerlogod ha Mona Bras war blas. Yvon Boutier zo produer laezh e Kerien Boulvriag, hag e karg e kambr al labour-douar en Aodoù An Arvor. Tammoù displegadennoù gantañ. Deus mikro Tudual Karluer.