Blez bro Skoz a vo ar wech 'mañ er Gouelioù Etrekeltiek. 20 % ag ar sonerion pedet a vo skosad : Amy Macdonald, Runrig pe Elephan Sessions a vo aze, e-touezh ar strolladoù all : Altan, Annie Ebrel, Barba Loutig, Fleuves pe Sam Lee. Gortoz a reont muioc'h a 700 mil den etre ar 4 hag an 13 a viz eost en Oriant. Kae Breizh a vo gwellaet ar blez 'mañ, muioc'h digoret àr ar borzh, met de vont a-barzh e vo un don-tre da baeañ. Ar badj a goustay 5 euro, memestra diboe 5 plez. Diaesterioù argant n'oe bet ar Gouelioù met adsavet ar c'hontoù diboe ar blez tremenet. Deoc'h de c'houd e oe bet gwerzhet 54 000 badj e 2016. Ar gevredigezh Amzer Nevez a genlabour diboe pell get ar Gouelioù Etrekeltiek. Kejet hi doe Enora Molac doc'h e rener Daniel Gevel en Oriant. Displeg a ra petra 'vo kinniget gete d'an 10 a viz eost.