Benoit Hamon 'oa 'ba Breizh dimerc'her 'vit kaballiñ. Da vintin 'oa chomet 'ba Bro-Dreger 'vit lakaat ar gaoz àr an tennañ traezh e bae Lannuon, Bet eo de weladenniñ un ti aweit ar re gozh d'ar Roc'h-Derrien ewe. Hag e-raok en em gavout e Brest 'oa tremenet dre Vontroulez 'vit mont e darempred get implijidi ur labourva 'zo arbenniget àr ar buzhug mor. 3000 den a c'hortoze danvez prezidant Republik Bro-C'hall 'zo o kaballiñ 'vit ar PS, ar PRG hag Europa Ekologiezh-ar-re-C'hlas 'ba hall ar Penfeld 'ba Brest. Yannig Jadot, 'neus divizet mont get Hamon, eñ oe er sal aweit souten ar brestad. E penn kentañ ar meeting 'neus difennet Benoit Hamon plas ar gargidi (fonctionnaires) 'bar gevredigezh ha 'pad pell. Ur bern plasoù labour 'bar vro 'zo plasoù labour publik. Jo Petton 'oa bet o labourat 'ban arsenal, just mat, ha deit oe ag Porspoder, dec'h da noz, 'vit selaou Benoit Hamon. Goulc'hen Tomin, eñ 'zo ezel eus europa ekologiezh ar re c'hlas, komz a ray a-ziar an emglev 'zo savet get Hamon ha Jadot. An daou se a zo bet aterset get Erwan Blanchard.