Mont a ra gwelloc'h gant skol koñvers Brest Business School. E 2013 'oa divizet gant renerien ar skol 'oa 'bar rouedad "Sup de 'co" mont kuit anezhañ. Krouet 'oa asambles gant ter skol all ur sistem emren da dutaat studierien: gant Skolioù koñvers Tours-Poitiers, Clermont-Ferrand hag Amiens. Un anv nevez 'oa roet d'ar skol 'zo renet gant Kambr Koñvers Brest : France Business School. Met diouzhtu 'oa aet ar jeu da fall. An niver a studierien 'oa digresket eus 900 da 190 dindan ur bloaz. Diaesterioù arc'hant bras 'oa bet buan tre neuze. 'Ban afer 'mañ 'neus kollet skol koñvers Brest un tamm muioc'h 'vit 4 million a euroioù hervez 'ar sifroù 'zo embannet gant Lez ar c'hontoù. Bremañ e ya gwelloc'h gant ar stal 'zo oc'h adkavout ur plas e-touez ar "skolioù bras". 500 den yaouank 'zo enskrivet 'ba Brest Business School 'vit heuliañ pe ur Bachelor pe ur master Skolioù Uhel. Muioc'h a displegadennoù gant Loïz Fily 'zo bet studier 'ba skol koñvers Brest ha savet gantañ ur start-up 'zo staliet 'ba savadur e skol gozh. Ur pennad-kaoz gant Erwan Blanchard.