Lezenn war an arvor: souplaat ar reolennoù 'vit sevel tiez
Souplaat al lezenn war an arvor, un tamm, eo pezh fell d'ar gannaded ha d'ar senedourien ober. Studiet 'zo bet amandamantoù e kerzh ar miz mañ, c'hallfe cheñch al lezenn. Savet 'oa e 1986 'vit gwareziñ an aod. Met skoilhoù 'zo 'ba meur a gumun 'blam d'al lezenn. Ar stal Sill 'ba Plouvihan 'kichen Brest, da skouer, 'noa bet mil mizer da gaout an aotre da sevel ur gaoter vras 'blam d'al lezenn.. Kement 'mañ 'noa laet ar gumun da divizout en em dizober eus un tamm douar 'lake 'nezhi da gumunn war an aod. Cheñch un tamm 'vit aesaat ha sklaeraat an traoù eo pezh 'ranker ober a displeg deomp François Marc, senedour 'ba Penn-ar-Bed.
