"Lampedusa" setu anv ar pez-c'hoari radio nevez 'zo sevenet gant Teatr Piba asambles gant Radio Kerne ha Dizale. Skignet 'vo ar pez-c'hoari fenoz da 7e30 war Radio Kerne 'vel just, met ivez war RKB hag Arvorig FM war un dro. Kaset eo bet ar raktres da benn a-drugarez d'ar yac'hadoù 'zo roet gant ar Falb 'zo ur c'hef da skoazell ar c'hrouidigezhioù kleweled e brezhoneg. Lampedusa eo anv ar pezh-c'hoari, anv un enezenn italian 'zo 'ba mor kreizdouarel 'maez da dTunizia lec'h 'm'en gav ur bouchad repuidi o tont eus Afrika. Gant Tony Foricheur ha Tifenn Lineatt eo c'hoariet perzh tudennoù ar pezh c'hoari. Lavarout 'ra deomp pezh 'neus lakaet Piba da ginnig an destenn skrivet gant Lina Prosa. Gant Erwan Blanchard. Eil lodenn ar pezh-c'hoari 'vo skignte 'benn dimerc'her, 25, hag an 'ni diwezhañ 'vo kinniget war eeun eus ar C'houartz 'ba Brest, devezh kentañ a viz C'hwevrer. Posubl ha gwelloc'h, zoken, goulenn kaout plasoù en araok. Digoust eo 'vit mont e-barzh. 'Vit ar re 'neunt c'hwitet an abadennoù c'haller mont da selaou ar pezh-c'hoari ar podcast