Lizherioù Loeiz Herrieu : "Nag ar gwenan..., Et nos abeilles."
Nag ar gwenan..., Et nos abeilles.
Setu daou bikol levr embannet get Daniel Carré. Unan e galleg hag an eil e brezhoneg, embannet enne ar lizherioù kaset get Loeiz Herrieu, d'e vaouez Loeiza, ha pa oa soudard e-pad ar brezel bed ketañ etre 1914 ha 1919. 600 lizher en oll skrivet e brezhoneg. Un testoni a-bouez braz ma zo unan, kement evit pinvidigezh ar brezhoneg hag evit gouiet hiroc'h a-ziàr ar vuhez a soudard. Dre ar lizherioù e tesker penaos en deus Loeiz Herrieu dalc'het e-pad ar bleadoù kalet-se, en ur sevel ur seurt vangoer tro-dro dezhoñ ha d'e spered. Selaouamp doc'h Daniel Carré en doa kontet pelloc'h da Andrea ar Gal a RBG.
