A bep seurt abadennoù a vo da ziskweiñ labour izili ar c'helc'h hag ar bagad hag a zo stag a-c'houde ar penn ketañ. Daet eo brav an traoù ar blez-mañ get ar bagad ha neus achuet er 5vet lec'h er rummad ketañ goude kenstrivadeg an Oriant, ha memes mod get ar c'helc'h ha p'emañ pignet an danserion er rummad uhelañ e Breizh, da lâret eo er rummad Excellence get ar gevredad Kendalc'h. Koñsertoù, arvestoù, festoù-noz a vo hag un devezh tro dro d'an taboulin a-benn disadorn ma vo savet gourfenn konkours an daboulinerion a-live Breizh. Gouiamp pelloc'h a-ziàr ar fest hag a-ziàr raktres nevez ar strollad tro dro d'ar beleg Fransez Kadig. Izan Belz, perzh er bagad a zo doc'h mikro Andrea ar Gal a RBG.