Abaoe penn kentañ ar bloavezh skol e c'hortoz skolajidi an hentennoù brezhone-galleg 'zo 'ba skolaj Anna Vreizh 'ba Roazhon, an Hirwazh 'ba Brest pe Kerallan 'ba Plouzane kaout ur c'helenner war an istor-douaroniezh. hag a oar brezhoneg! Kinniget eo ar c'hentelioù e galleg 'blam 'ma 'zo un diouer a gelennerien e brezhoneg. Daou gelenner hag a roe kentelioù warlene 'zo bet kaset da Versailhez 'blam d'ar sistem fiñvadeg 'zo 'ban Deskadurezh Stad. Erru skuizh ar skolajidi se 'zo kaoz 'neunt divizet manifestiñ hudu dirak o skolaj 'ba Brest, dirak an Hirwazh. Un daou-ugent bennaket anezho, etre 6vet ha trede klas,'neunt kemeret perzh 'bar vanifestadeg.Ar sizhun dremenet 'oa graet kemend all gant skolajidi an hentenn brezhoneg-galleg 'ba Roazhon. A-bouez eo 'vit ar skolajidi kaout kentelioù istor en brezhoneg 'blam ma 'neunt da dremen arnodennoù ar breved e brezhoneg. Selaouolmp, da gentañ Ewan, unan eus dileuridi ar skolajidi, 'zo en trede klas.