Handbike e Landaol get "La Landaulaise"
A-hed an dibenn sihun e vo savet « ar Landaulaise » evit an eil gwezh.
Daou zevezh rederezhoù handbike e vo. 'benn àrc'hoazh e krogo an traoù get ur rederezh a-stroll get troioù e bourc'h Landaol, dek tro en holl da lâret eo gozik 50 kilometrad. Hag a-benn disul e vo unan doc'h an eurier. Setu unan a rederezhoù a gonta er c'hampionnad Frañs. Arlané oa bet un taol kaer dija hag ar blez-mañ e vo uheloc'h ar live èl ma lar Yann-Charlez Caudal deomp, reder ha perzh er rederezh.
