Distro-skol : Traoù nevez e skolaj Diwan Kemper.
E-giz e lec'h all e krog ar bloavezh-skol ar mintin-mañ evit skolajidi Diwan Kemper. Niverus-mat int er bloaz-mañ c'hoazh eno ha strisoc'h-strisañ e teu ar savadurioù da vezañ. En em soñjal a ra ar skipailh pedagogel asambles gant izili ar gevredigezh evit kavout un diskoulm d'an dreist-niver a skolajidi, hag a gresko c'hoazh er bloavezhioù a zont. Met hiziv avat eo deus ar programoù ha deus rol ar bloavezh-skol 'ni vo kaoz. Adreizh ar skolaj a zo kaset da-benn e Diwan Kemper ivez hag un doare nevez da briziañ al labour-skol. Hiroc'h da glevet gant rener nevez ar skolaj, Erwan ar Berr. Emañ ouzh mikro Katell Uguen.
