Re a CO2 'vez kaset ganeomp en atmosfer hag an dra-se a lak an temperadurioù war an douar da greskiñ. Evit poent, memes ma ya war gresk prizioù an energiezh e kendalc'h al lonkerezh da greskiñ er bed. Mil boan o deus ar broioù da lakaat e plas politikerezioù evit saveteiñ dazont ar vuhez war an douar. Mont a ra muioc'h war raok war dachenn ar rannvroioù. Un tammig pep lec'h en Europa 'vez savet steuñvioù e pep korn bro evit espern an energiezh. PCET 'vez graet deus outo : « plan climat énergie territorial ». E Bro Gerne o deus lañset an dilennidi ur plañ a seurt-se. Pêr ar Berre, maer Ploneiz hag e karg eus politikerezh al lojeiz evit Kemper Kumuniezh, a ginnig deomp ar palioù 'zo evit Bro Gerne. Emañ deus mikro Melaine Looten, eus Radio Kerne.