Skol-veur Pobl Vreizh a vez bep blez en arbenn ag Emvod ar Gelted en Oriant.
An digarez da zeskiñ pelloc'h àr meur a zanvez e-korv prezegennoù. Kensavet eo get izili Emglev bro an Oriant ha Skol Uhel ar vro. 12 prezegenn a zo kinniget ar blez-mañ a-ziàr ar gelted, ar yezhoù kelt, an arzoù, ar sonerezh ha c'hoazh. Dec'h e oa lakaet ar gaoz a-ziàr daou vreizhad, bet doc'h tu an Aostralia anezhe, da lâret eo Aleno a Sant Alouarn ha Uhon a Germadec. Patrig Malrieu, prezidant Skol Uhel ar Vro a zisplega deomp pelloc'h.
