E fin 2010 oa bet anavet an diplom en ofisiel get ministrerezh an deskadurezh stad. Un diplom micherel a brizia barregezhoù an dud hrevez o live yezh. Savet oa bet ar wezh ketañ àrlané e miz Mezhewen. Daet e oa 200 a dud. Ne oa ket gortozet kement-mañ hag ar blez-mañ emañ aozet an arnodenn en ur feson un tamm dishenval get ar greta. Daou brantad zo bet lakaet hag e meur a lec'h. Disadorn oa an hani ketañ e Brest hag e Gwened. 120 a dud deus kemeret perzh en taol-mañ. Selaouamp doh reportaj Yaëlle ar Mouel e Gwened : Klevet e vo Lena Louarn, é karg ag ar yezhoù er rannvro ha Jeanne, a lar deomp doc'htu perak oa daet da dremen an DBY.