Ur battle en ur ganiñ get An Diaoul a Gan !
Warc'hoazh e vo roet emgav da ganerien ha kanerezed ar vro er Yeuc'h e-kichen Douarnenez, da-geñver gouel an Diaoul A Gan. Betek disul e vo gouestlet an 10vet gouel d'ar c'han hengounel e brezhoneg met er yezhoù all ivez. Sinema 'vo da gaout, stajoù kan gant Brigitte Kloareg, Marsel Gwilhoù pe c'hoazh Klervi Rivière, ur valeadenn kanet hag ivez un disput war gan. Deomp da c'houzout hiroc'h war ar « battle »-se gant Pierre-Yves Pétillon, unan deus aozer gouel an Diaoul a Gan. Emañ ouzh mikro Katell Uguen.
