Raktres sevel skolioù Diwan a zo ba Redon ha ba Ploervael
Douget eo ar raktres e Redon get Gwladys Riquier hag a zo staliet eno a-c'houde meur a vlez, ha c'hoant braz geti ma vehe skoliataet e vugale e brezhoneg. Daou viz 'zo he deus kroueet ur gevredigezh da c'hellout sevel ur skol. Bremañ e vo ret brudiñ an dra ha chechiñ kerent evit gellout digor 'benn miz Gwengolo 2018 get 14 krouedur d'an nebeutañ. Gouiamp pelloc'h get Catherine Guérin, karget a gefridi da skoazellañ an AEPoù e Diwan. Emañ doc'h mikro Yaelle ar Mouel.
An emvod e Ploervael a vo fenoz da 8e e sal ar Carmes hag a-benn diriaou e vo an emvod foran e Redon, da 8e e ti ar c'hevredigezhoù.
