Disemglev zo tro dro da lenn Gwerledan.
Get ar lezenn Notre o deus sonjet kêr Mur ha kumun St Guen en em dolpiñ da espern argant èl m'eo bet graet e meur a lec'h. 'benn miz genver ketañ e tay ar gumun nevez da vout gwir. Pezh eo e faota d'an dilennidi badeziñ ar gumun nevez-mañ get anv ar lenn brudet da lâret eo "Guerledan". Sevel a ra tud ar c'humunioù tro dro d'ar lenn enep an dra. Ha ba bep a guzul-kêr o deus votet an dilennidi un destenn enep. Ur guzuliadenn kaset d'ar prefed da c'houlenn getoñ ma chomo an anv-se d'ar lenn hepken. Kristof Guilloux a zo dilennet e Sant Inan, unan ag ar parrezioù a zo àr ribl ar lenn. Digwener noz en deus votet ar guzuliadenn-mañ iwez. Gouiamp pelloc'h getoñ doc'h mikro Yaelle ar Mouel.
