15 staj brezhoneg a vo kinniget e-pad an hanv.
setu roet lañs d'ar c'houlzad brudañ savet get ar c'hevredad DAO, Deskiñ d'an Oadourion, hag a voda an ensavadurioù a gelenn brezhoneg d'an dud daet. Dre ur folenn bleg-dibleg ingalet un tamm e pep lec'h er vro, hag ur filmig da vout skignet àr ar chadennoù tele lec'hel e vo graet bruderezh evit ar stajoù hanv. Kement-mañ evit desachiñ muioc'h a dud. àrlané e oa bet degemeret 450 a dud en holl er stajoù. Gouiamp pelloc'h get Emile Le Bailh, karget a ziorenn e ti DAO. Emañ doc'h mikro Yaelle ar Mouel.
