E Pondi 'oa Kan Ar Bobl 'pad fin ar sizhun. E Lannuon eo digwener 'ni 'oa dalc'het ar c'honkour etreliseoù muzik Breizh da dañsal evit an 13vet gwezh. Gant liseidi ha kelennerien al lise Feliz An Danteg 'vez aozet. E 1996, 'oa bet krouet da gentañ, dihanet 'pad ur pennad hag adlañset 6 vloaz zo. Eizh strollad 'oa war ar renk, ar strollad « Sparfell » 'ni zo aet ar maout gantañ, KLB Quartet da eil ha Triskill da drede. O-zri o tont deus lise Lannuon evit ar brasañ deus an dud, pe deus Diwan. Aze 'mañ an dalc'h, re nebeut a dud o tont deus lec'h all! Ur galv zo lañset evit ar bloaz o tont 'ta. Selaouomp izili yaouank, ha yaouank-mat evit darn, ar strollad KLB, Elouan, Yohann, Maelan ha Lena, o reiñ o santimant deomp. Gant Tudual Karluer.