D'ar 1añ a viz Meurzh paset en doa an embregerezh kollet ar marc'had publik d'ober àr-dro transportiñ ar vugale d'ar skol etre Baod hag an Alre. An deviz oa bet kemeret get dilennidi ar c'huzul departamant, hag o deus kavet gwell reiñ ar garg-mañ d'ar stal Keolis. Un embregerezh braz, ouzhpenn 60 000 enni hag a zo é penn meur a rouedad transport e kerioù braz èl Roazhon pe Naned. Sevel a ra tud ti Le Divenah enep an deviz-mañ ha n'eo ket reizh da-genver kalite ar servij emezont. Ur rekour o deus kaset d'an tribunal melestradurel e Roazhon. Da c'hortoz diviz ar varnerion e c'houlenna ar patron David Le Divenah ma ne vo ket lakaet ar marc'had nevez da dalvezout 'benn miz gwengoloñ. Disadorn o doa 500 a dud en em vodet da souten an emberegezh hag ar 35 gobrad. En o mesk e oa Guigner an Henanff, maer kozh Pleuigner. Emañ doc'h mikro Yaelle ar Mouel.