Digresket eo ar skodennoù sokial eus 7 poent, 'vit an holl beizanted, diouzhtu; roet 'vo an tu d'ar beizanted 'neunt gounezet nebeut tre pe mann ebet da baeañ ar skodennoù 'vit ar bloavezh 2015 'benn bloaz; nebeutoc'h a normoù: setu 'pezh 'oa embbannet gant ministr kentañ gouarnamant Bro-C'hall dirak ar parlamant 'ba Pariz dec'h 'vit respont d'an ensavadegoù 'zo abaoe un nebeut sizhunvezhioù. N'eo ket an holl sindikadoù 'zo laouen gant 'pezh kinnigoù Manuel Valls, dreistholl Confédération Paysanne ha Coordination Rurale. Xavier Beulin, pdt FNSEA, n'eus embannet 'ya an traoù war an tu mat. Selaouomp 'pezh a soñj eus ar c'hinnigoù mañ Jacques Guillou, produer laezh e Dirinonn, bet ezel eus burev ar c'hoop Triskalia.