Un devezh studi gouestlet d'ar livioù.
bep blez e vez savet devezhioù a-seurt-se get Kerlen Sten Kidna ha Ti Douar Alre. Ar blez-mañ o deus chwajet izili ar gevredigezh lakaat ar gaoz àr ar livioù e brezhoneg sur-walc'h. É c'hortoz an devezh hag a vo 'benn an19 a viz Meurzh en Alre emañ ar skipailhad aoziñ é klask tud da zonet da brezeg hag embannet eh eus bet ur galv d'an dud dedennet d'en ober. Gellout a ra an dud reskont betag ar 1añ a viz C'hwevrer en ur c'has ur c'hinnig-prezegenn. Meur a sell a zo d'an tem-mañ èl ma tispleg David Rouz, perzh er c'homite skiantel deomp, douzh mikro Yaelle ar Mouel.
