Staliet 'vo 'ba Landi, setu pezh 'oa divizet ar sizhun tremenet gant ministr an industriezh 'ba Bro-C'hall, Eric Besson. Digwener noz 'oa dalc'het un emvod bras da ginnig da dud ar vro petra eo ar greizenn mañ. Aozet 'oa gant tud Gaspare. Leun blouk 'oa ar sal 'oa prestet d'ar stourmerien: war dro 300 den. An deiz war lerc'h 'oa stank a dud war ar straedoù 'ba kêr Landi ivez. 1000 den 'neunt dibunet 'vit manifestiñ a-enep ar Greizenn. Met digwener 'oa tamm ankeniet tud 'zo gant ar fed 'noant ket klasket fiñval an dud 'ba Landi c'hoazh. Selaouomp Fañch Uguen ha Goulven Thomin 'noant kemeret perzh 'ban emvod digwener. Ur reportaj gant Erwan Blanchard.