Digor d'an holl 'oa kreizenn sevenadurel ar vuzulmaned 'ba Brest disadorn paseet 'benn diskouezh petra eo an Islam kuit da veskañ ar vuzulmaned gant an djihadisted. Kalzig a vrestiz 'zo bet o tizoloiñ ar voskeenn 'zo anvet Al Madina. Hentet int bet gant Slimane Harrag 'bar savadur nevez lec'h m'emañ staliet ar greizenn abaoe miz Du diwezhañ 'ba karter Sant-Mark. Heuliet 'neus ar galv 'oa graet gant Kuzul gall ar vuzulmaned degemer an holl memes devezh 'ba Frañs a-bezh. 2500 moskeenn 'zo bet digoret. Un digarez da weladenniñ ar salioù lec'h ma 'vez pedet gant ar baotred hag ar merc'hed. Kalzig a vrestiz 'zo bet betek ar greizenn disadorn. En o zouez Fulup Abalan, muzulman anezhañ. Ur reportaj gant Erwan Blanchard.