Ul lodenn vras eus an dilennidi a c'hortoze ar greizenn-gaz-se abaoe pell neuze. Pierre Maille, prezidant ar c'huzul-meur Penn ar Bed 'vije bet plijet muioc'h gant ur greizenn e Brenniliz. Jean-Victor Gruat, maer « Front de Gauche » eus Brennilis 'zo dipitet bras. E Brieg 'mañ dipitet un tamm hepken Jean-Paul Pann, maer PS eus Brieg. Christian Troadec, maer Karaez, n'eus un ali all : keñveriañ a ra an 30 post labour 'vo en usin-se gant ar 130.000 post labour 'vo krouet e Bro Skoz, a zo o postiñ kalz arc'hant er mare-mañ, 'barzh an energiezhioù nevez. War an dachenn e chomo oberiant ivez an enebourien bodet er gevredigezh "Gaspare". Gortozet oa an diviz-se gant ar stourmerien. Selaouit Peggy Bihan, mouezh aotret "Gaspare".