E penn kentañ ar sizhun 'oa bodet Kuzul departamant an Deskadurezh Stad 'vit reiñ un ali war dazont daou skolaj 'ba Penn-ar-Bed: Kerichen 'ba Brest ha François-Manac'h 'ba Kommanna. En dañjer 'mañ o div skol bout serret 'blam d'an niver a vugale 'zo re izel. Ur votadeg 'oa bet dilun noz gant izil ar C'huzul mañ: skolajoù Kerichen ha Kommanna 'vefont ket serret 'benn an distro-skol 2016& Selaouomp Fulup Plouzane, eil maer Kommanna. Ouzh mikro Erwan Blanchard. N'eo ket disoc'h an afer neuze. E fin miz Genver 'vo dalc'het votadeg budjed an departamant. D'ar poent se 'vo goaret hiroc'h war an arc'hant 'vo postet 'bar skolajoù ha 'ba peseurt skolajoù& Ha war lerc'h 'no prefed Penn-ar-bed asantiñ 'vo serret skolaj Kommanna.